आई. आर. सी. टी. सी. के वर्चुअल रिजर्वेशन मेसेज(VRM) आ रेलवे के सच

पछिला सप्ताहांत के हमर कार्यक्रम बहूत व्यस्त छल.
हमरा २ दिनक अन्दर गाँव जेबाक छल कनियाँ के घर (ग्राम-राढ़ी, प्रखंड- जाले, जिला- दरभंगा) पहुंचाबक लेल आ वापसी में माताश्री के संगे लेने आबक लेल. वस्तुतः माताश्री व्रज के ८४ कोसक यात्रा पर जा रहल छथिन्ह. हम ३० सितम्बर २०११ के दिल्ली सं मुजफ्फरपुर आ वापसी में २ अक्तूबर के मुजफ्फरपुर सं दिल्ली के लेल वैशाली एक्सप्रेस के ई-टिकिट लेने छलहूँ. विदा होब सं किछु देर पहिले प्रिंट लेबाक लेल आई. आर. सी. टी. सी. खोललहूँ ता एक टा बैनर देखलहुं जे निम्नवत अछि.
हम ई-टिकिट के चित्र अपना फ़ोन पर मेल कैलहूँ. लेकिन मोन में शंका छल तैं प्रिंट सेहो ला लेलहुं.
जेबाक काल त कोनो टीटी(TTE ) टिकिट खोजबे नहीं केलक. लेकिन एबाक काल एक टा टीटी (TTE ) महोदय टिकिट मंगलाह. हम अपन मोबाइल बला फोटो देखेलियेन्ही. वो बिफ़री गेलाह,

ई क्या है?

हम कहलियन्ही,

सर, आई. आर. सी. टी. सी. के साईट पर तो लिखा हुआ है की वीआरएम् (VRM ) वैलिड है, ईआरएस(ERS ) की कोई जरुरत नहीं है.

टीटी छुटिते बाजि उठलाह,

हमारे पास कोई सर्कुलर नहीं है, आप लोग इन्टरनेट पर पता नहीं क्या-क्या देख लेते हैं. इन्टरनेट पर तो यह भी छप गया है की रिटायर्मेंट की उम्र ६२ साल हो गयी है, लेकिन आज ही हमारे ४ साथी रिटायर हो गए हैं. हमें तो ERS चाहिए बस.

बहुत बहस भेल, हमरा पास प्रिंट रहय, अंततः वो देखेला उत्तर झगरा शांत भेल.

अपने सभ सा आग्रह जे किछु दिन धरि VRM के साथ साथ ERS के प्रिंट जरूर ल क चलब.