नारद जी के दार्ही

नारद जी दार्ही रखैत छलाह की छिलबा कs चिक्कन रहैत छलाह? 

अहाँ सभ पुछब इ कोन बात क रहल छी- बताह भs गेलहुँ की ?

अखन विद्यापति रचित शारदा सिन्हा के गीत सुनि रहल छलहुँ –

“हम नहिं रहब आजु अहि आंगन…”

अहि गीत में चर्चा एलन्हि नारद बाभन के – सभ टा सीरियल-नाटक में नारद जी के दार्ही-मोछ साफ केने देखाओल जाइत अछि – मुदा अहि गीत में विद्यापति आगा लिखैत छथि –

“…धोती-लोटा, पत्रा-पोथी सेहो सभ लेबन्हि छिनाय, गे माई जँ किछु बजता नारद बाभन दार्ही धय लेब घिसियाय….”

आब अहाँ सभ बताउ – नारद जी दार्ही रखैत छलाह की छिलबा कs चिक्कन रहैत छलाह?